CG NEWS : माशिमं करिस दंड के प्रावधान म बदलाव, 2022-23 ले होही लागू। ..

CG NEWS : रइपुर। छत्तीसगढ़ माध्यमिक सिक्षा मंडल हर दसवीं-बारहवीं बोर्ड के पेपर जांचे म गंभीर लापरवाही बरतने वाला सिक्षक ल अब हमेसा बर मूल्यांकन कार्य ले बाहिर नई करें। बल्कि 5 बछर तक मूल्यांकन काम ले बाहिर करें जाहि। दरअसल माशिमं कोती ले लापरवाही बरते म निर्धारित दंड के प्रावधान ​म बदलाव करें गेहे। येहा मुख्य परीक्षा 2022-23 ले लागू हो गेहे।माने ये दारी लापरवाही बरतने वाला मूल्यांकनकर्ता मन ऊपर जउन कार्रवाई होही ओहा नावा आदेस के अनुसार होही। बोर्ड के कापी जांचे के ये लापरवाही ल तीन कैटेगरी म बांटे गेहे। येखर मानन त मूल्यांकनकर्ता मन ऊपर पहिली कैटेगरी म जउन सिक्षक मन के कापी रीवैल के बाद 20 ले 40 नंबर तक के अंतर आहि, ओमा तीन बछर तक बैन लागहि।ये दौरान माशिमं के जम्मो कार्य ले वंचित रही। पहिली घलो ये ​प्रावधान रिहिस जेमा कोन्हो बदलाव नई करें गेहे। अइसने दूसर कैटेगरी म जउन शिक्षक के कापी म रीवैल के बाद 41 ले 49 नंबर के अंतर मिलहि , वो हर पांच बछर तक बोर्ड के कॉपी नई जांच पाहि। पहिली अइसे सिक्षक मन ल तीन बछर बर बैन करें गए रिहिस। तीसर कैटेगरी म जउन सिक्षक के कापी म 50 नंबर ले जादा के अंतर पाए जाहि ओखर ऊपर पांच बछर के बैन लगही संग म एक वार्षिक वेतन वृद्धि रोके के अनुसंसा घलोक सासन ले करें जाहि। पाछू घाव ये कैटेगरी म अवइया मूल्यांकनकर्ता मन ऊपर आजीवन बैन लगाए गे रिहिस ।

Read More: CG NEWS : गोड़बहाल गौठान बना मॉडल, आवर्ती चराई योजना से आर्थिक समृद्धि की राह हुई प्रशस्त