CG NEWS : सीएम घेरिस ईडी अउ धान खरीदी म मोदी सरकार ल, किहिन अति के अंत होथे।।

CG NEWS : रइपुर। दिल्ली म हुए ईडी के कार्रवाई ऊपर मुख्यमंत्री भूपेश बघेल हर मोदी सरकार ऊपर निसाना साधत हुए किहिन कि पहिली पत्रकार मन ऊपर कार्रवाई हुईस, जउन दुःखद हे, ये तानासाही रवैया हरे। पत्रकार अपन कलम ले लिखथे, जउन निष्पक्ष खबर लिखथे या आलोचना करथे उहि मन ल जेल म ठूंसत जावत हे. ये हर सोज्झे लोकतंत्र ऊपर हमला हरे। एनडीए के सरकार जब ले बने हे तभे ले विपक्षी नेता मन ल दबाये के कोसिस करें जावत हे। उहे मुख्यमंत्री हर किहिन की सोनिया अऊ राहुल गांधी के बाद छत्तीसगढ़, महाराष्ट्र, तेलंगाना अऊ पश्चिम बंगाल म दमन करें जावत हे, ताकि विपक्ष झन बांचे. जबकि प्रजातंत्र म विपक्ष के होना बहुते जरूरी हे। एमन विपक्ष ल जेल म ठूंसे अऊ खतम करे के कोसिस करत हे। जउन तानासाही रवईया हरे। फेर हमर देस प्रजातांत्रिक देस आये येखर जड़ बहुते गहिरा हे। अति के अंत घलोक होथे। धान खरीदी ल लेके सीएम हर भाजपा के आरोप म पलटवार करत हुए अऊ सवाल पूछत हुए किहिन की अभीन सबले बड़े लबरा आये रिहिस, किथे धान खरीदी करथे। धान खरीदी करथे त बताये कि कब ओमन बटन दबयिस। जइसे हमन हर 3 महीना म बटन दबथन अऊ सोज्झे पईसा किसान मन के खाता म जाथे अगर एमन धान खरीदी करथे त काखर खाता म पईसा जाथे। धान के पेमेंट तुरते होथे का.. कतका के बजट रखे हे एमन.. ये घलो बतावय कि भुगतान कब करिस, आघू भुगतान कब करहि वहु बतवए।।