Shivani Hasti
7723 Views
CG NEWS : कांग्रेस स्क्रीनिंग कमेटी के बइठक के पहिली महिला कांग्रेस प्रमुख नेटा डिसूजा हर भाजपा अऊ मोदी सरकार ल कई मुद्दा म घेरे हे। संगे म ही कांग्रेस के सरकार बने के घलो दावा करें हे। ओखर कहिना हे कि, लोगन मन के खुसहाली बर कांग्रेस के सरकार बनहि। डिसूजा हर महिला आरक्षण ऊपर किहिन की सवाल उठत हे अऊ उठना ही चाही। मोदी सरकार हर महिला मन ल ठगे के काम करें हे. साढ़े 9 बछर म महंगाई, बेरोजगारी ले लेके बाढ़ते अपराध मन ले महिला मन परेसान हे। नवा संसद म महिला मन ल रिझाये खातिर ओमन ल ठगे के काम करे हे। 2034 म ये रिजर्वेसन लागू होही. सहीं च में अगर करना रिहिस त तुरते कर सकत रिहिस। जब नोटबंदी करना रिहिस या आर्टिकल पास करना रिहिस तब समझ में नई अइस, उहा रिजर्वेसन रखना रिहिस. महिला रिजर्वेसन बिल ले आक्रोस महिला मन म बहुते जादा हे। आघू किहिन की इंडिया गठबंधन के सरकार बनहि तभे 33% महिला रिजर्वेसन तुरते लागू होही। उहे प्रधानमंत्री मोदी के सरकार बने बर “पीएससी के दोषी मन ऊपर कार्रवाई होये वाला“ बयान म महिला कांग्रेस प्रमुख हर पलटवार करत हुए किहिन की पीएम फण्ड के जांच पहिली होना चाही, कोनला पईसा कइसे गिस, कती गिस अऊ कईसे गिस ? उहे नेटा डिसूजा हर अडानी घोटाले म चुप भाजपा ले सवाल पूछत हुए किहिन की अडानी घोटाला म काबर चुप हे।
Read More: CG NEWS : दिशा समिति की बैठक जारी मुख्यमंत्री भूपेश बघेल की अध्यक्षता हो रही बैठक...
Comments (0)