CG NEWS : प्रदेस म जनावत हे जाड़, अक्टूबर के सुरुआती म ठंडा हवा के असर...

CG NEWS : बिलासपुर। जिला म जाड़ के अहसास सुरु होंगे हे।भले ही अक्टूबर के महीना म उतना जाड़ नई पड़े फेर जाड़ के सुरुआती महीना माने जाथे। अक्टूबर के सुरुआत म ही प्रदेस म ठंडा हवा चले के संग मौसम घलो ठंडा होवत हे। एखरे संग म ही अधिकतम तापमान थोकिन कम हुए हे, फेर रात के पारा गिरे ले जाड़ थोकिन बाढ़ गेहे। बता दन जून, जुलाई, अगस्त म कम त उहे सितंबर म सहर अउ जिला के ग्रामीण इलाका मन म बने पानी गिरे हे। एखरे सेती ​बारिस के कोटा फुल हो गेहे।जितना बारिस होना रिहिस, ओखर ले जादा हुए हे। जून ले लेके सितंबर तक जिला म 1260.3 मिमी बारिस हुईस, जउन औसत ले 16.5 प्रतिसत जादा रिहिस। 1081.8 मिमी औसत पानी गिरना रिहिस, फेर येखर ले जादा बारिस हुईस। एमा सबले जादा 1597.9 मिमी पानी सीपत म गिरे हे, जबकि सबले कम यानि 865.4 मिमी पानी बेलतरा म गिरे हे। अक्टूबर महीना के गोठ करन त 4 दिन म बिलासपुर म 20.9 मिमी पानी गिरे हे।